منتديات أحلى استايل
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


منتدى عام وتقنى ودعم
 
دخولدخول  التسجيلالتسجيل  الرئيسيةالرئيسية  
 

 الذهب (حامد زيد )

اذهب الى الأسفل 
كاتب الموضوعرسالة
Technician
Admin istrator
Admin istrator
Technician


سجل فى : 25/09/2007

المساهمات : 207
العمر : 32
التقييم : 0
ذكر

الذهب (حامد زيد ) Empty
30102007
مُساهمةالذهب (حامد زيد )

يا كثر مـا رافقـت خـلان واحبـاب
ويا كثر مـا فـي شدتـي هملونـي
على كثر ما أعدهـم ستـر وحجـاب
على كثر مـا احتجتهـم واتركونـي
من صارت الخوه ثمن حفنـة تـراب
نفس الوجيه اللي نصوني... نسوني
من غير ذكر فروق، وعروق، وأنساب
كانـوا ثلاثـة ...والثلاثـة جفونـي
علمتهم وشلـون الأهـداف تنصـاب
ولما سواعدهم قـوت... صوبونـي
عشاني أصغرهم عمر صاروا أحـزاب
عشاني اصدقهـم قصيـد اظلمونـي
اللي نجاح اسمي زرع فيهـم أنيـاب
حتى النصيحة ما بغـوا ينصحونـي
دام العطايـا عندهـم ديـن وأتعـاب
والله لو أطلب ذنبهـم مـا عطونـي
طالب نصيحة، كنـي طالـب أرقـاب
وهي نصيحة؟!كيف لـو زوجونـي؟
كنت أكتب لنفسي مشاريـه وعتـاب
ولا ادري إن اللي قروني... قرونـي
تضاربت من دونـي عقـول وألبـاب
واجد بغوا غيري... وواجـد بغونـي
أقفل هدب... تسهر على شعري أهداب
كني حبست إرقادهـم فـي جفونـي
لو شفتهم واحد... يشوفوني اسـراب
من ويـن مالـدوا نظرهـم لقونـي
أثري وجودي بينهم محرق أعصـاب
ومزعل بعضهم من بعض لو طروني
يا كبري بعيني وأنـا تونـي شـاب
واهـم كتـاب الشعـر حاربـونـي
حتى ولو يهوي على نجمـي شهـاب
يكفينـي إن إسمـي كبيـر بعيونـي
كد قال ابوي: ان هبتهم قول: ما هاب
لو يقدرونـك قـول: مـا تقدرونـي
مادام قبري محتضـن راس مرقـاب
علـى كثـر مـا تقـدرون ادفنونـي
لو ماني بذيب إنهشت عظمي ذيـاب
لو ما عرفت اثبت وجـودي لغونـي
لو ما سكنت وجيههـم مـت بغيـاب
لو ما قدرت أمحي ورقهـم محونـي
أصبحت الأصعب لأنهم كانوا اصعاب
جننتهـم مـثـل مــا جننـونـي
ماجيت أبدبل كبدهم شعـر وخطـاب
ليـن أدبلـوا كبـد الـذي خلفونـي
يا ويل وجهي كـن للدمـع مخـلاب
ما جف ماه ولا استحى من طعونـي
كل ما طرالـي منظرمريـب وأرتـاب
كان الوحيد اللـي يحـرك شجونـي
قبلة صلاة،وذكر، وخشـوع، وكتـاب
وأمي علـى سجـادة النـور دونـي
تدعي لي الله يفتح بوجهـي أبـواب
تتوسلـه بالشـده يكـون عـونـي
من كثر مـا خفاقهـا بالدعـاء ذاب
صارت تحس إن زمـلاي اكرهونـي
بشرتها: يمه معـي ربـع وأصحـاب
ماني لحالـي واجـد اللـي يبونـي
من يوم ما حاز قلمـي كـل الالقـاب
قلطتهـم فـي دفتـري واحفظونـي
الله وهبنيهـم بنـي عـم وأجنـاب
من يوم جيت اعجبتهـم واعجبونـي
واعجابهم فيني ما هو بأيه اعجـاب
باسلوبي، بشرحي، بطرحي، بلونـي
لوقلت عن نفسي( بشر)..صرت كذاب
لو قلت : ( دمي من ذهب) صدقونـي
لو بكيفهم كان ازرعوا دربي أعشـاب
لوبيدهـم يتشبـهـون اشبهـونـي
من كثر ما صاروا من طبوعي اقراب
حتـى بلبسـة شمغـهـم قلـدونـي
واجد دعوني واغلقوا دونـي البـاب
واكثار ناس أبكي لهـم مـا بكونـي
لوطالوا لهدمـي مناسيـب وأطنـاب
كان وغلاتك مـن زمـان اهدمونـي
مدام حطوا فينـي عيـوب وسبـاب
جنبـت عنهـم مثـل ماجنبـونـي
أصلا لـو أن بخوتـي شـي ينعـاب
ذبحـت نفسـي قبـل لايذبحـونـي
أنا يدي لـو ماكسـت متنـي ثيـاب
نذر ٍ على لقطع يـدي مـن متونـي
موعيب أجي مدعو ولا أشوف ترحاب
العيب لو إنـي رجعـت إن دعونـي
مادمت اجي ولا يحسبون لى حسـاب
حرمـت اروح اذا يبونـي يجـونـي

للشاعر : حامد زيد
اتمنى تعجبكم مع تحياتي
الرجوع الى أعلى الصفحة اذهب الى الأسفل
مُشاطرة هذه المقالة على: reddit

الذهب (حامد زيد ) :: تعاليق

أحمد حسن
رد: الذهب (حامد زيد )
مُساهمة الإثنين 12 نوفمبر 2007, 7:30 pm من طرف أحمد حسن
مشكووووووووووووووووووووور
 

الذهب (حامد زيد )

الرجوع الى أعلى الصفحة 

صفحة 1 من اصل 1

 مواضيع مماثلة

-
» القدس (حامد زيد )
» الاولى والتاليه ( حامد زيد )
» حامد من بورسعيد واريد الترحيب
»  موقع ومنتديات الشاعر سعدالله حامد السلمي
» لماذا حرم الله الذهب على الرجال؟؟

صلاحيات هذا المنتدى:لاتستطيع الرد على المواضيع في هذا المنتدى
منتديات أحلى استايل :: استراحه اعضاء احلى ستايل :: المنتدى العام :: قسم الشعر والادب-
انتقل الى:  
جميع الحقوق محفوظه لاكاديميه  احلى ستايل©ahlastylDigit@lالاعلى |الرئيسيه |قوانين المنتدى | احصائيات | احلى منتدى